സമാധാനപരമായ പ്രതിഷേധങ്ങൾ അക്രമാസക്തമായ രീതിയിൽ അടിച്ചമർത്തി; ഇറാനിലെ സുരക്ഷാ ഉദ്യോഗസ്ഥർക്കും സാമ്പത്തിക ശൃംഖലകൾക്കുമെതിരെ ഉപരോധം ഏർപ്പെടുത്തി യുഎസ്

വാഷിങ്ടൻ: ഇറാനിലെ സുരക്ഷാ ഉദ്യോഗസ്ഥർക്കും സാമ്പത്തിക ശൃംഖലകൾക്കുമെതിരെ ഉപരോധം ഏർപ്പെടുത്തി യുഎസ്. സമാധാനപരമായ പ്രതിഷേധങ്ങൾ അക്രമാസക്തമായ രീതിയിൽ അടിച്ചമർത്തുകയും കോടിക്കണക്കിന് എണ്ണ വരുമാനം വെട്ടിക്കുറയ്ക്കുകയും ചെയ്തുവെന്ന് ആരോപിച്ചാണ് ഈ നടപടി. സർക്കാർ വിരുദ്ധ പ്രതിഷേധങ്ങളുടെ പശ്ചാത്തലത്തിലാണ് ട്രഷറി സെക്രട്ടറി സ്കോട്ട് ബെസെൻ്റ് നടപടികൾ പ്രഖ്യാപിച്ചത്. ”കഴിഞ്ഞ കുറച്ച് ദിവസങ്ങളായി പ്രതിഷേധ പ്രകടനങ്ങൾ കുറഞ്ഞു. ഏകദേശം ഒരാഴ്ച നീണ്ട ഇൻ്റർനെറ്റ് നിരോധനത്തിന്റെ ഫലമായി ഇതിനെ വിലയിരുത്താം. സ്വാതന്ത്ര്യത്തിനും നീതിക്കും വേണ്ടിയുള്ള ഇറാൻ ജനതയുടെ ആവശ്യങ്ങൾക്കായി യുഎസ് കൂടെ നിൽക്കും. […]

‘ഭീകരതക്കെതിരെ പോരാടുന്നതിൽ പരാജയം’; കാനഡക്കെതിരെ ഇന്ത്യൻ ഹൈക്കമ്മീഷണർ

കാനഡയിലെ തീവ്രവാദ സംഘടനകൾക്കെതിരെ നടപടിയെടുക്കുന്നതിൽ കനേഡിയൻ അധികൃതർ പരാജയപ്പെടുകയാണെന്ന് കാനഡയിലെ ഇന്ത്യൻ ഹൈക്കമ്മീഷണർ ദിനേഷ് പട്‌നായിക്. കനേഡിയൻ ദേശീയ മാധ്യമത്തിന് നൽകിയ അഭിമുഖത്തിലാണ് അദ്ദേഹം കടുത്ത ഭാഷയിൽ വിമർശനം ഉന്നയിച്ചത്. കഴിഞ്ഞ 40 വർഷമായി കാനഡയുടെ മണ്ണിൽ ഭീകരവാദികൾക്ക് സുരക്ഷിതമായി പ്രവർത്തിക്കാനുള്ള സാഹചര്യം ഒരുങ്ങിക്കിടക്കുകയാണെന്നും, ഇന്ത്യക്കെതിരായ അക്രമങ്ങൾക്ക് ഇത് വളമാകുന്നുവെന്നും അദ്ദേഹം കുറ്റപ്പെടുത്തി. ഖാലിസ്ഥാൻ വിഘടനവാദി ഹർദീപ് സിംഗ് നിജ്ജറിന്റെ കൊലപാതകത്തിൽ ഇന്ത്യക്ക് പങ്കുണ്ടെന്ന കാനഡയുടെ ആരോപണങ്ങളെ പട്‌നായിക് ശക്തമായി എതിർത്തു. ആരോപണങ്ങൾ ഉന്നയിക്കാൻ എളുപ്പമാണെന്നും എന്നാൽ […]

പാല്, മാർഗരിൻ ഉൽപ്പന്നങ്ങളിൽ ചേർക്കുന്ന വൈറ്റമിൻ ഡിയുടെ അളവ് ഇരട്ടിയിലധികമായി വർദ്ധിപ്പിക്കണം; കാനഡയിലെ ജനങ്ങളിൽ വൈറ്റമിൻ ഡിയുടെ അളവ് വർദ്ധിപ്പിക്കാൻ നിർണ്ണായക നീക്കവുമായി ഹെൽത്ത് കാനഡ

കാനഡയിലെ ജനങ്ങളിൽ വൈറ്റമിൻ ഡിയുടെ അളവ് വർദ്ധിപ്പിക്കുന്നതിനായി നിർണ്ണായക നീക്കവുമായി ഹെൽത്ത് കാനഡ. പാലും മാർഗരിനും ഉത്പാദിപ്പിക്കുന്ന കമ്പനികൾ തങ്ങളുടെ ഉൽപ്പന്നങ്ങളിൽ ചേർക്കുന്ന വൈറ്റമിൻ ഡിയുടെ അളവ് ഇരട്ടിയിലധികമായി വർദ്ധിപ്പിക്കണമെന്ന് ഫെഡറൽ ഹെൽത്ത് ഏജൻസി നിർദ്ദേശിച്ചു. കാനഡയിലെ അഞ്ചിൽ ഒരാൾക്ക് ആവശ്യമായ അളവിൽ വൈറ്റമിൻ ഡി ലഭിക്കുന്നില്ലെന്നാണ് കണക്കുകൾ സൂചിപ്പിക്കുന്നത്. ശരീരത്തിന് വൈറ്റമിൻ ഡി ഉത്പാദിപ്പിക്കാൻ ആവശ്യമായ സൂര്യപ്രകാശം കാനഡയിൽ പലപ്പോഴും വേണ്ടത്ര ലഭിക്കാത്തതാണ് ഇതിന് പ്രധാന കാരണമായി വിദഗ്ധർ ചൂണ്ടിക്കാട്ടുന്നത്. അതിനാൽ ‘സൺഷൈൻ വൈറ്റമിൻ’ എന്നറിയപ്പെടുന്ന […]

കാൽഗറി ജലപ്രതിസന്ധി: അന്വേഷണമാരംഭിച്ച് ആൽബർട്ട സർക്കാർ

കാൽഗറി നഗരത്തെ ആഴ്ചകളോളം ബുദ്ധിമുട്ടിലാക്കിയ ജലപ്രതിസന്ധിയെക്കുറിച്ച് നേരിട്ടുള്ള അന്വേഷണത്തിനൊരുങ്ങി ആൽബർട്ട സർക്കാർ. 2024 ജൂണിൽ വാട്ടർ മെയിൻ പൈപ്പിലുണ്ടായ വൻ തകരാറിനെത്തുടർന്ന് സിറ്റിയാകെ ജലനിയന്ത്രണത്തിലായിരുന്നു. ഇതിനു പുറമെ കഴിഞ്ഞ മാസം സിറ്റിയിൽ വീണ്ടും പൈപ്പ് പൊട്ടി ജലവിതരണം തടസ്സപ്പെട്ടിരുന്നു. ഈ സാഹചര്യം മുൻനിർത്തിയാണ് പ്രവിശ്യാ സർക്കാരിൻ്റെ നിർണ്ണായക നീക്കം. പൈപ്പ് തകർന്നതോടെ ശുദ്ധജലം കിട്ടാതെ ആയിരക്കണക്കിന് കാൽഗറി നിവാസികളാണ് ദുരിതത്തിലായത്. സംഭവത്തിൽ സിറ്റി അന്വേഷണം തുടങ്ങിയിട്ടുണ്ടെങ്കിലും, കാര്യങ്ങൾ കുറച്ചുകൂടി സുതാര്യമായി പഠിക്കാൻ സ്വതന്ത്രമായ പരിശോധന വേണമെന്ന നിലപാടിലാണ് […]

സ്വകാര്യ നഴ്സിങ് ഏജൻസികൾ വെട്ടിക്കുറച്ച് മാനിറ്റോബ

സ്വകാര്യ നഴ്സിങ് ഏജൻസികളുടെ എണ്ണം എൺപതിൽ നിന്ന് നാലായി കുറയ്ക്കുമെന്ന് മാനിറ്റോബ സർക്കാർ പ്രഖ്യാപിച്ചു. സ്വകാര്യ മേഖലയ്ക്ക് നൽകുന്ന വൻതുക ലാഭിക്കാനും പൊതുജനാരോഗ്യ സംവിധാനം ശക്തിപ്പെടുത്താനുമാണ് ന​ടപടിയെന്ന് ആരോഗ്യമന്ത്രി ഉസോമ അസഗ്വാര വ്യക്തമാക്കി. സ്വകാര്യ ഏജൻസികൾ വഴിയുള്ള നഴ്സിങ് സേവനം ഇനി മുതൽ സർക്കാർ നേരിട്ട് നിയന്ത്രിക്കുന്ന നാല് ഏജൻസികളിലൂടെ മാത്രമായിരിക്കും ലഭ്യമാകുക. മിക്ക നഴ്സുമാരും പൊതുസംവിധാനത്തിന്റെ ഭാഗമാകുമെന്നാണ് പ്രതീക്ഷിക്കുന്നതെന്നും മന്ത്രി വ്യക്തമാക്കി. എന്നാൽ, ഈ പരിഷ്കാരം ആശുപത്രികളിൽ നഴ്സുമാരുടെ ക്ഷാമം രൂക്ഷമാക്കുമെന്ന് മാനിറ്റോബ നഴ്സസ് യൂണിയൻ […]

ബാങ്ക് ഉദ്യോഗസ്ഥരെന്ന വ്യാജേന വിളിച്ച് ക്രെഡിറ്റ് കാർഡ് തട്ടിപ്പ് നടത്തുന്ന പുതിയ സംഘത്തിനെതിരെ ജാഗ്രതാ നിർദ്ദേശവുമായി ടൊറൻ്റോ പോലീസ്; വയോധികന് നഷ്ടമായത് 4,000 ഡോളർ

ബാങ്ക് ഉദ്യോഗസ്ഥരെന്ന വ്യാജേന വിളിച്ച് ക്രെഡിറ്റ് കാർഡ് തട്ടിപ്പ് നടത്തുന്ന പുതിയ സംഘത്തിനെതിരെ ജാഗ്രതാ നിർദ്ദേശവുമായി ടൊറൻ്റോ പോലീസ്. പ്രായമായ ഒരാളെ കബളിപ്പിച്ച് 4,000 ഡോളറോളം തട്ടിയെടുത്ത സംഭവത്തിലാണ് ഇപ്പോൾ അന്വേഷണം നടക്കുന്നത്.കഴിഞ്ഞ ഡിസംബർ 29-നാണ് സംഭവം നടന്നത്. ബാങ്കിലെ ‘ക്രെഡിറ്റ് ഇൻവെസ്റ്റിഗേറ്റർ’ ആണെന്ന് പരിചയപ്പെടുത്തിയാണ് പ്രതി ഇരയെ ഫോണിൽ വിളിച്ചത്. ക്രെഡിറ്റ് കാർഡ് മറ്റാരോ ദുരുപയോഗം ചെയ്യുന്നുണ്ടെന്നും സുരക്ഷയ്ക്കായി കാർഡ് ഉടൻ മുറിച്ചു കളയണമെന്നും പ്രതി നിർദ്ദേശിച്ചു. മുറിച്ച കാർഡിൻ്റെ കഷണങ്ങൾ പരിശോധനയ്ക്കായി ശേഖരിക്കാൻ ഒരു […]

ന്യൂ ബ്രൺസ്വിക്കിൽ പനി പടരുന്നു; ജാഗ്രതാ നിർദ്ദേശം

ന്യൂ ബ്രൺസ്‌വിക്കിൽ ഇൻഫ്ലുവൻസ കേസുകളിൽ വൻ വർധന രേഖപ്പെടുത്തിയതോടെ പൊതുജനം ജാഗ്രത പാലിക്കണമെന്ന് ആരോഗ്യവകുപ്പ് നിർദ്ദേശം നൽകി. കഴിഞ്ഞ വർഷത്തെ അപേക്ഷിച്ച് പനി ബാധിച്ച് ആശുപത്രിയിൽ പ്രവേശിപ്പിക്കപ്പെടുന്നവരുടെ എണ്ണത്തിൽ 290 ശതമാനവും മൊത്തം കേസുകളിൽ 400 ശതമാനവും വർധനയുണ്ടായതായി ആരോഗ്യവകുപ്പ് റിപ്പോർട്ട് ചെയ്തു. നിലവിൽ പടരുന്ന ‘ഇൻഫ്ലുവൻസ എ (H3N2)’ എന്ന വൈറസ് വകഭേദം പ്രായമായവരിൽ ഗുരുതരമായ ആരോഗ്യപ്രശ്നങ്ങൾക്ക് കാരണമാകുന്നുണ്ട്. അടിയന്തര സാഹചര്യങ്ങളില്ലാത്തവർ എമർജൻസി ഡിപ്പാർട്ട്‌മെന്റുകൾ ഒഴിവാക്കണമെന്നും പകരം 811 എന്ന നമ്പറിലോ ഫാർമസികളിലോ ബന്ധപ്പെടണമെന്നും ചീഫ് […]

ഏഴ് വർഷത്തിലേറെയായി ക്യൂബെക് പ്രവിശ്യയുടെ ഭരണത്തലവനായിരുന്ന പ്രീമിയർ ഫ്രാൻസ്വ ലോ ഗോൾട്ട് രാജിവെച്ചു

ഏഴ് വർഷത്തിലേറെയായി ക്യൂബെക് പ്രവിശ്യയുടെ ഭരണത്തലവനായിരുന്ന ഫ്രാൻസ്വ ലോ ഗോൾട്ട് തന്റെ ഔദ്യോഗിക പദവികളിൽ നിന്നും രാജി പ്രഖ്യാപിച്ചു. ഒക്ടോബറിൽ നടക്കാനിരിക്കുന്ന പൊതുതിരഞ്ഞെടുപ്പിന് മാസങ്ങൾ മാത്രം ബാക്കിയിരിക്കെയാണ് പ്രവിശ്യാ രാഷ്ട്രീയത്തിൽ വലിയ അനിശ്ചിതത്വം സൃഷ്ടിച്ചുകൊണ്ടുള്ള ഈ നീക്കം. താൻ സ്ഥാപിച്ച ‘കൊയലിഷൻ അവനീർ ക്യൂബെക്’ (CAQ) പാർട്ടിക്ക് പുതിയൊരു നേതാവിനെ തിരഞ്ഞെടുക്കുന്നത് വരെ അദ്ദേഹം സ്ഥാനത്ത് തുടരും. ക്യൂബെക്കിലെ ജനങ്ങൾ ഒരു മാറ്റം ആഗ്രഹിക്കുന്നുണ്ടെന്നും അത് തിരിച്ചറിഞ്ഞാണ് തൻ്റെ പടിയിറക്കമെന്നും അദ്ദേഹം വാർത്താ സമ്മേളനത്തിൽ അറിയിച്ചു. കോവിഡ് […]

അമേരിക്ക തങ്ങളെ ആക്രമിച്ച് കീഴടക്കാൻ ശ്രമിച്ചേക്കുമെന്ന് കാനഡയിലെ മൂന്നിലൊന്ന് ജനങ്ങളും വിശ്വസിക്കുന്നു

അയൽരാജ്യമായ അമേരിക്ക തങ്ങളെ ആക്രമിച്ച് കീഴടക്കിയേക്കാൻ ശ്രമിച്ചേക്കുമെന്ന് കാനഡയിലെ മൂന്നിലൊന്ന് ജനങ്ങളും വിശ്വസിക്കുന്നതായി പുതിയ സർവ്വേ റിപ്പോർട്ട്. വെനസ്വേലയിലെ അമേരിക്കൻ സൈനിക ഇടപെടലിന് പിന്നാലെ ലെഗർ (Leger) നടത്തിയ പഠനത്തിലാണ് കനേഡിയൻ ജനതയുടെ ഈ ആശങ്ക വെളിപ്പെട്ടത്. സർവ്വേയിൽ പങ്കെടുത്ത 31 ശതമാനം കാനഡക്കാരും ഭാവിയിൽ അമേരിക്ക തങ്ങളുടെ രാജ്യത്തിന് മേൽ നേരിട്ടുള്ള നടപടികൾക്ക് മുതിരുമെന്ന് വിശ്വസിക്കുന്നവരാണ്. കാനഡയ്ക്ക് പുറമെ ഗ്രീൻലാൻഡ്, ക്യൂബ, കൊളംബിയ തുടങ്ങിയ രാജ്യങ്ങളെയും അമേരിക്ക ലക്ഷ്യം വെച്ചേക്കുമെന്ന് സർവ്വേയിൽ പങ്കെടുത്തവർ അഭിപ്രായപ്പെട്ടു. ഏകദേശം […]

കാനഡയിൽ താൽക്കാലിക താമസക്കാരായെത്തിയ ദശലക്ഷക്കണക്കിന് ആളുകളുടെ വിസ കാലാവധി അവസാനിക്കുന്നു; മലയാളികൾ ഉൾപ്പെടെയുള്ളവർ വലിയ ആശങ്കയിൽ

കാനഡയിൽ താൽക്കാലിക താമസക്കാരായി എത്തിയ ദശലക്ഷക്കണക്കിന് ആളുകളുടെ വിസ കാലാവധി ഈ വർഷം അവസാനിക്കുന്നത് രാജ്യത്ത് വലിയ പ്രതിസന്ധി സൃഷ്ടിക്കുന്നതായി റിപ്പോർട്ട്. ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) പുറത്തുവിട്ട കണക്കുകൾ പ്രകാരം, കഴിഞ്ഞ വർഷം കാലാവധി കഴിഞ്ഞ 1.49 ദശലക്ഷം പെർമിറ്റുകൾക്ക് പുറമെ ഈ വർഷം 1.4 ദശലക്ഷം പെർമിറ്റുകൾ കൂടി കാലഹരണപ്പെടും. ഇതിൽ 55 ശതമാനവും ജൂൺ മാസത്തിനുള്ളിൽ അവസാനിക്കുന്നവയാണ്. പി.ആർ (PR) ലഭിക്കാനുള്ള അവസരങ്ങൾ പരിമിതമായതിനാൽ, ഏകദേശം 2.1 ദശലക്ഷത്തോളം പേർക്ക് […]