നെതന്യാഹുവിന്റെ യുഎസ് സന്ദർശനം തുടര‍വേ, ഗാസയിൽ ഇസ്രയേൽ ആക്രമണം; 51 പലസ്തീൻകാരും 5 ഇസ്രയേൽ സൈനികരും കൊല്ലപ്പെട്ടു

ജറുസലം, വാഷിങ്ടൻ: ഇസ്രയേൽ പ്രധാനമന്ത്രി ബെന്യാമിൻ നെതന്യാഹുവിന്റെ യുഎസ് സന്ദർശനം തുടര‍വേ, ഗാസയിലെ വിവിധയിടങ്ങളിൽ ഇസ്രയേൽ നടത്തിയ രൂക്ഷ ആക്രമണങ്ങളിൽ 51 പലസ്തീൻകാർ കൊല്ലപ്പെട്ടു. വടക്കൻ ഗാസയിലെ ബെയ്ത്ത് ഹനൂമിൽ സ്ഫോടനത്തിൽ 5 ഇസ്രയേൽ സൈനികരും കൊല്ലപ്പെട്ടു. 14 സൈനികർക്കു പരുക്കേറ്റു. ദോഹയിൽ നടക്കുന്ന വെടിനിർത്തൽ ചർച്ചയിൽ ഇരുപക്ഷത്തെയും 80 ശതമാനത്തോളം ഭിന്നതകൾ പരിഹരിച്ചെങ്കിലും അന്തിമ ധാരണയാകാൻ ഏതാനും ദിവസം കൂടിയെടുക്കുമെന്ന് ഇസ്രയേൽ അധികൃതർ പറഞ്ഞു. യുഎസ് പ്രസിഡന്റ് ഡോണൾഡ് ട്രംപിന്റെ പ്രതിനിധി സ്റ്റീവ് വിറ്റ്കോഫ് അടുത്തദിവസം […]

പകർച്ചവ്യാധിയുടെ സമയത്ത് കനേഡിയൻ സർക്കാർ പ്രഖ്യാപിച്ച പദ്ധതി പരാജയപ്പെട്ടു; വാക്സിനുകൾ കാരണം ആരോഗ്യ പ്രശ്നം നേരിട്ടവർക്ക് നഷ്ടപരിഹാരം നൽകുന്നതിലും വീഴ്ച പറ്റിയെന്ന് പ്രതിപക്ഷ പാർട്ടികൾ

ഓട്ടവ: വാക്സിനുകൾ കാരണം ആരോഗ്യ പ്രശ്നം നേരിട്ടവർക്ക് നഷ്ടപരിഹാരം നൽകുന്നതിൽ കനേഡിയൻ സർക്കാരിന് വീഴ്ച പറ്റിയെന്ന് പ്രതിപക്ഷ പാർട്ടികൾ. പകർച്ചവ്യാധിയുടെ സമയത്ത് ഫെഡറൽ സർക്കാർ പ്രഖ്യാപിച്ച പദ്ധതി പരാജയപ്പെട്ടെന്നും, ഇത് വിശ്വാസ വഞ്ചന ആണെന്നും പ്രതിപക്ഷ പാർട്ടികൾ പറയുന്നു. 2020 ഡിസംബറിൽ അന്നത്തെ പ്രധാനമന്ത്രി ജസ്റ്റിൻ ട്രൂഡോയാണ് വാക്സിൻ ഇൻജുറി സപ്പോർട്ട് പ്രോഗ്രാം (VISP) പ്രഖ്യാപിച്ചത്. ഹെൽത്ത് കാനഡ അംഗീകരിച്ച വാക്സിൻ മൂലം ഗുരുതരവും സ്ഥിരവുമായ പ്രശ്നങ്ങൾ ഉണ്ടായവരെ പിന്തുണയ്ക്കുക എന്ന ലക്ഷ്യത്തോടെയായിരുന്നു പദ്ധതി ആരംഭിച്ചത്. ഇതനുസരിച്ച് […]

കുടിയേറ്റക്കാർക്കുള്ള സാമൂഹിക സേവനങ്ങൾ തുടരണോ എന്ന വിഷയത്തിൽ ആൽബെർട്ടയിൽ ചർച്ചകൾ പുരോഗമിക്കുന്നു

എഡ്മണ്ടൻ: കുടിയേറ്റക്കാർക്കുള്ള സാമൂഹിക സേവനങ്ങൾ തുടരണോ എന്ന വിഷയത്തിൽ ആൽബെർട്ടയിൽ ചർച്ചകൾ പുരോഗമിക്കുന്നു. ഈ വേനൽക്കാലത്ത് ജനങ്ങൾക്ക് മുന്നിൽ ചർച്ചയ്ക്കായി അവതരിപ്പിക്കുന്ന വിഷയങ്ങളിലൊന്ന് കൂടിയാണ് ഇത്. റഫറണ്ടം ചോദ്യങ്ങളെക്കുറിച്ച് പൗരന്മാരുമായി കൂടിയാലോചിക്കാൻ ആൽബെർട്ട നെക്സ്റ്റ് പാനലിലെ 15 അംഗങ്ങൾ പ്രവിശ്യയിലുടനീളം സഞ്ചരിക്കുകയാണ്.കാനഡയിലേക്ക് ആരെയാണ് പ്രവേശിപ്പിക്കേണ്ടതെന്ന് തീരുമാനിക്കുന്നത് ഫെഡറൽ സർക്കാർ ആണെങ്കിലും, അവർക്ക് വേണ്ട മിക്ക സാമൂഹിക സേവനങ്ങൾക്കും പണം നൽകേണ്ടത് പ്രവിശ്യകളുടെ ചുമതലയാണെന്ന് പാനൽ പുറത്തിറക്കിയ വെബ്‌സൈറ്റിലെ ഒരു വീഡിയോ പറയുന്നു. ഉയർന്ന ഭവന ചെലവുകൾക്കും തൊഴിലില്ലായ്മ […]

കൊലപാതക കേസുകളുടെ അന്വേഷണം നീണ്ടുപോകുന്നത് കുറ്റവാളികൾക്കും കൂസലില്ലാതെയാക്കി; അമേരിക്കയിൽ 50 ശതമാനം കൊലപാതക കേസുകളിലും കുറ്റവാളികളെ അറസ്റ്റ് ചെയ്യുന്നില്ലെന്ന് റിപ്പോർട്ട്

വാഷിം​ഗ്ടൺ: അമേരിക്കയിൽ നടക്കുന്ന കൊലപാതകങ്ങളിൽ 50 ശതമാനത്തോളം കേസുകളിലും കുറ്റവാളികളെ അറസ്റ്റ് ചെയ്യാതെ പോകുന്നതായി അന്താരാഷ്ട്ര മാധ്യമം റിപ്പോർട്ട് ചെയ്യുന്നു. കെന്റക്കിയിലെ ലൂയിസ് വില്ലെ പോലുള്ള നഗരങ്ങളിൽ കൊലപാതക കേസുകളിലുള്ള അന്വേഷണങ്ങളിൽ പകുതിയിലും പോലീസ് കുറ്റവാളികളെ അറസ്റ്റ് ചെയ്യുന്നില്ലെന്ന് റിപ്പോർട്ടിൽ പറയുന്നു. രാജ്യവ്യാപകമായി ഈ വിഷയം ഗുരുതരമാണ്. 2023 ൽ കൊലപാതക കേസുകളിലെ ക്ലിയറൻസ് നിരക്ക് 58 ശതമാനം ആയിരുന്നുവെങ്കിലും പോലീസ് അന്വേഷണം പൂർത്തിയാക്കിയ മുൻ വർഷങ്ങളിലെ കൊലപാതകങ്ങളും ഇതിൽ ഉൾപ്പെടുന്നതിനാൽ ഇത് കൂടുതലാണ്. അതേസമയം, കാനഡയിൽ […]

ആജീവനാന്ത യുഎഇ ഗോൾഡൻ വിസ സ്വന്തമാക്കാൻ ഇനി ഇന്ത്യക്കാർക്ക് കൂടുതൽ എളുപ്പം; നിബന്ധനകളിൽ പുതിയ പരിഷ്‌കാരം, 23 ലക്ഷം രൂപ മുടക്കിയാൽ ഗോൾഡൻ വിസ

ദുബായ്: ഗോൾഡൻ വിസയിൽ മുൻ നിബന്ധനകളെല്ലാം മാറ്റിവെച്ച് പുതിയ പരിഷ്‌കാരങ്ങളുമായി യുഎഇ. ആജീവനാന്ത യുഎഇ ഗോൾഡൻ വിസ സ്വന്തമാക്കാൻ ഇനി ഇന്ത്യക്കാർക്ക് കൂടുതൽ എളുപ്പമാണ്. സ്വത്തിലോ ബിസിനസിലോ ഗണ്യമായ നിക്ഷേപം ആവശ്യമായിരുന്ന പഴയ ഗോൾഡൻ വിസ സംവിധാനത്തിൽ നിന്നും തികച്ചും വ്യത്യസ്തമാണ് പുതിയ രീതി. ഇതുവരെ ഇന്ത്യൻ അപേക്ഷകർക്ക് കുറഞ്ഞത് 2 ദശലക്ഷം ദിർഹം(ഏകദേശം 4.66 കോടി രൂപ) പ്രോപ്പർട്ടി നിക്ഷേപമോ ബിസിനസ് നിക്ഷേപമോ ഉണ്ടെങ്കിൽ മാത്രമായിരുന്നു ഗോൾഡൻ വിസ നൽകി വന്നിരുന്നത്. എന്നാൽ പുതിയ നയ […]

ആളുകളെ കബളിപ്പിക്കാന്‍ തട്ടിപ്പുകൾ പലവിധം! വിവിധ തട്ടിപ്പു രീതികളെക്കുറിച്ച് ഉപഭോക്താക്കള്‍ക്ക് മുന്നറിയിപ്പ് നല്‍കി ബീസി ഫെറീസ്

വിക്ടോറിയ: നിരവധി വ്യത്യസ്ത രീതികൾ ഉപയോഗിച്ച് ആളുകളെ കബളിപ്പിക്കാൻ തട്ടിപ്പുകാർ സജീവമായി ശ്രമിക്കുന്നുണ്ടെന്ന് ബീസി ഫെറീസിന്റെ മുന്നറിയിപ്പ്. ബീസി ഫെറീസിൽ നിന്നുള്ള ഉദ്യോഗസ്ഥരാണെന്ന് ആൾമാറാട്ടം നടത്തിയാണ് തട്ടിപ്പുകാർ ആളുകളെ തെറ്റിദ്ധരിപ്പിക്കുന്നത്. ഇമെയിൽ, മൊബൈൽ ഫോൺ, സോഷ്യൽമീഡിയ, ഓൺലൈൻ സർവേകൾ, വ്യാജ വെബ്‌സൈറ്റുകൾ എന്നിവയിലൂടെ തങ്ങളുടെ പ്രതിനിധികളായി വേഷമിട്ട് ആളുകളെ പറ്റിക്കുന്നവരുടെ സംഘം പ്രവർത്തിക്കുന്നുണ്ടെന്ന് ബീസി ഫെറീസ് മുന്നറിയിപ്പ് നൽകുന്നു.തങ്ങൾ ഒരിക്കലും ഉപഭോക്താക്കളെ ഫോണിൽ വിളിക്കുകയോ ഇ-മെയിൽ ചെയ്യുകയോ, വിജയിക്കുന്ന സമ്മാനത്തിനായി പണം ആവശ്യപ്പെടുകയോ സോഷ്യൽ ഇൻഷുറൻസ് നമ്പറോ […]

ലോകത്തിലെ ഏറ്റവും മികച്ച ഔട്ട്‌ഡോർ ഷോ ആയ കാൽഗറി സ്റ്റാംപീഡിൽ പങ്കെടുക്കുന്നവരുടെ എണ്ണം വർധിക്കുന്നു; ശനിയാഴ്ച മാത്രം സന്ദർശിച്ചത് 1,42,199 പേർ

കാൽഗറി: കാൽഗറി സ്റ്റാംപീഡിൽ പങ്കെടുക്കുന്നവരുടെ എണ്ണം വർധിക്കുന്നു. 2024 ലെ റെക്കോർഡ് തകർക്കാനുള്ള പാതയിലാണിപ്പോൾ. ശനിയാഴ്ച രാത്രി വരെ 338,000 ഗസ്റ്റുകൾ സ്റ്റാംപീഡ് ഗേറ്റിലൂടെ കടന്നുപോയി. ഭൂമിയിലെ ഏറ്റവും മികച്ച ഔട്ട്‌ഡോർ ഷോ എന്നു വിശേഷിപ്പിക്കുന്ന കാൽഗറി സ്റ്റാംപീഡിൽ ശനിയാഴ്ച മാത്രം 142,199 സന്ദർശകരാണ് നടന്നുനീങ്ങിയത്. കഴിഞ്ഞ വർഷം ഈ സമയം 337,000 പേർ പങ്കെടുത്തിരുന്നു. നിലവിലെ റെക്കോർഡ് 2024 ൽ പത്ത് ദിവസത്തിനുള്ളിൽ സ്ഥാപിച്ച 1.47 മില്യൺ സന്ദർശകരാണ്. സ്റ്റാംപീഡിലെത്തുന്ന കാനഡയിൽ ലിസ്റ്റ് ചെയ്തിരിക്കുന്ന പ്രദേശങ്ങൾക്ക് […]

ലോക രാജ്യങ്ങൾക്ക് ആശ്വാസമേകുന്ന തീരുമാനം പ്രഖ്യാപിച്ച് ട്രംപ്! പകരം തീരുവ ഈടാക്കുന്ന തീയതി മൂന്നാഴ്ച്ച നീട്ടി; ഇനി ഓഗസ്റ്റ് ഒന്നിന്…

വാഷിംഗ്ടൺ: പകരം തീരുവയുടെ കാര്യത്തിൽ അമേരിക്കൻ പ്രസിഡൻറ് ഡോണൾഡ് ട്രംപ് ലോക രാജ്യങ്ങൾക്ക് ആശ്വാസമേകുന്ന തീരുമാനം പ്രഖ്യാപിച്ചു. പകര തീരുവ ഈടാക്കുന്ന തീയതി മൂന്നാഴ്ച്ച നീട്ടിയെന്നാണ് പ്രസിഡൻറ് ട്രംപിൻറെ പുതിയ പ്രഖ്യാപനം. നാളെ പ്രാബല്യത്തിൽ വരേണ്ടിയിരുന്ന തീരുവ നടപടികളാണ് ട്രംപ് തത്കാലത്തേക്ക് നീട്ടിയത്. നിലവിലെ പ്രഖ്യാപനത്തിൻറെ അടിസ്ഥാനത്തിൽ ഓഗസ്റ്റ് ഒന്നിനായിരിക്കും പകര തീരുവ നടപ്പാകുക. അമേരിക്കയുമായി വ്യാപാര കരാറുകളിൽ ഏർപ്പെടാൻ കൂടുതൽ സമയം നൽകുന്നുവെന്ന് വ്യക്തമാക്കിക്കൊണ്ടാണ് ട്രംപ് പുതിയ പ്രഖ്യാപനം നടത്തിയത്. അതിനിടെ ജപ്പാൻ, ദക്ഷിണ കൊറിയ […]

ലോറൻസ് ബിഷ്ണോയി സംഘത്തിലെ പ്രധാനി ഹിമാൻഷു സൂദ് അറസ്റ്റിൽ

ലോറൻസ് ബിഷ്ണോയി സംഘത്തിലെ പ്രധാനി ഹിമാൻഷു സൂദ് പഞ്ചാബിൽ അറസ്റ്റിലായി. കപൂർത്തല ജില്ലയിലെ ഫഗ്വാര സ്വദേശിയാണ്. ദുബായ് ആസ്ഥാനമായി പ്രവർത്തിക്കുന്ന ഗുണ്ടാസംഘത്തലവൻ നമിത് ശർമ്മയുടെ നിർദ്ദേശപ്രകാരമാണ് ഹിമാൻഷു സൂദ് പ്രവർത്തിച്ചിരുന്നതെന്ന് പഞ്ചാബ് പോലീസ് ഡയറക്ടർ ജനറൽ ഗൗരവ് യാദവ് അറിയിച്ചു. അറസ്റ്റിനിടെ ഹിമാൻഷു സൂദിന്റെ കൈവശം നിന്ന് മൂന്ന് പിസ്റ്റളുകളും ഏഴ് വെടിയുണ്ടകളും കണ്ടെടുത്തു. അമൃത്സറിലെ സ്റ്റേറ്റ് സ്പെഷ്യൽ ഓപ്പറേഷൻ സെൽ പോലീസ് സ്റ്റേഷനിൽ ഇയാൾക്കെതിരെ എഫ്ഐആർ രജിസ്റ്റർ ചെയ്തിട്ടുണ്ട്. ഇയാളുടെ മറ്റ് കൂട്ടാളികളെ തിരിച്ചറിയുന്നതിനും സംഘത്തിന്റെ […]

പുതിയ എക്സ്പ്രസ് എൻട്രി നറുക്കെടുപ്പിൽ 356 പേരെ ക്ഷണിച്ച് ഐആർസിസി

ജൂലൈയിലെ ആദ്യ എക്സ്പ്രസ് എൻട്രി നറുക്കെടുപ്പിൽ 356 അപേക്ഷകരെ ക്ഷണിച്ച് ഇമിഗ്രേഷൻ, റെഫ്യൂജീസ്, ആൻഡ് സിറ്റിസൺഷിപ്പ് കാനഡ (IRCC). പ്രൊവിൻഷ്യൽ നോമിനി പ്രോഗ്രാം (PNP) അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്. കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോർ 750 ഉള്ള ഉദ്യോഗാർത്ഥികളെ ലക്ഷ്യമിട്ടായിരുന്നു നറുക്കെടുപ്പ്. ഇതുവരെ, IRCC 2025-ൽ എക്സ്പ്രസ് എൻട്രി സിസ്റ്റം വഴി 42,201 അപേക്ഷകർക്ക് ഇൻവിറ്റേഷൻ നൽകിയിട്ടുണ്ട്.