ഒട്ടാവാ: ബ്രിട്ടീഷ് കൊളംബിയയിൽ പുതിയ ഏരിയ കോഡ് മെയ് 24ന് നിലവിൽ വരും. നിലവിലുള്ള 604, 250, 778, 236, 672 എന്നിവയ്ക്ക് ഒപ്പം 257 എന്ന പുതിയ കോഡാണ് വരുന്നത്. പുതിയ ഏരിയ കോഡ് നിലവിലുള്ള ഫോൺ നമ്പറുകളെ ബാധിക്കില്ല. കൂടാതെ, പഴയ കോഡുകളുള്ളവ അവ തീരുന്നതുവരെ നൽകാമെന്ന് അധികൃതർ അറിയിച്ചു. 1996 വരെ ബീസിയിലെ ഏക ഏരിയ കോഡ് 604 ആയിരുന്നു. തുടർന്ന് 250 എന്ന കോഡും 2001ൽ 778 എന്ന ഏരിയ കോഡും ചേർത്തു. അവസാനമായി 2019 ലാണ് 672 എന്ന ഏരിയ കോഡ് പ്രാബല്യത്തിൽ വന്നത്.
