സിനിമ തിയറ്ററുകളിൽ മിന്നൽ പരിശോധന: 26 കേസുകൾ രജിസ്റ്റർ ചെയ്തു, 62,000 രൂപ പിഴ ചുമത്തി

സംസ്ഥാനത്തെ സിനിമ തിയറ്ററുകളിൽ വിവിധ വകുപ്പുകളുടെ നേതൃത്വത്തിൽ നടത്തിയ മിന്നൽ പരിശോധനയിൽ വ്യാപകമായ ക്രമക്കേടുകൾ കണ്ടെത്തി. മന്ത്രി അനൂപ് ജേക്കബിന്റെ നിർദ്ദേശപ്രകാരമാണ് ലീഗൽ മെട്രോളജി, ഭക്ഷ്യസുരക്ഷ, സിവിൽ സപ്ലൈസ് എന്നീ വകുപ്പുകൾ സംയുക്തമായി ഈ പരിശോധന പൂർത്തിയാക്കിയത്. തിയറ്ററുകളിൽ ശുദ്ധജലം ലഭ്യമല്ലാതാക്കുക, അമിതവില ഈടാക്കുക, വിലവിവരങ്ങൾ പ്രദർശിപ്പിക്കാതിരിക്കുക തുടങ്ങിയ പരാതികളെത്തുടർന്നായിരുന്നു ഈ നടപടി. കോഴിക്കോട്, കണ്ണൂർ, കോട്ടയം, എറണാകുളം, ആലപ്പുഴ, കൊല്ലം, പാലക്കാട്, മലപ്പുറം, തൃശൂർ ഉൾപ്പെടെയുള്ള ഒമ്പത് ജില്ലകളിലെ തിയറ്ററുകളിലാണ് പരിശോധന നടത്തിയത്. ഇതിന്റെ ഭാഗമായി […]