വിക്ടോറിയ: ബ്രിട്ടീഷ് കൊളംബിയയിലെ വീട്ടുടമസ്ഥർക്ക് 2026ൽ പരമാവധി 2.3 ശതമാനം മാത്രമേ വാടക നിരക്ക് വർധിപ്പിക്കാൻ സാധിക്കൂവെന്ന് പ്രവിശ്യാ സർക്കാർ അറിയിച്ചു. ഈ വർഷം ഇത് മൂന്ന് ശതമാനമായിരുന്നു. അനുവദനീയമായ വർധന പണപ്പെരുപ്പവുമായി ബന്ധപ്പെട്ടിരിക്കുന്നുവെന്നും താമസക്കാർക്ക് അഫോർഡബിളായ വീട്ടിൽ താമസിക്കാൻ അനുവദിക്കുമെന്നും സർക്കാർ വ്യക്തമാക്കി. വാടക വർധനവിന്മേലുള്ള നിയന്ത്രണം അന്യായമായ വാടക വർധനവിൽ നിന്നും ആളുകളെ സംരക്ഷിക്കുമെന്ന് ഹൗസിംഗ്, മുനിസിപ്പൽ അഫയേഴ്സ് മിനിസ്റ്റർ ക്രിസ്റ്റീൻ ബോയ്ൽ പറഞ്ഞു.
അതേസമയം, ഈ വർധന, വാടക വീടുകൾ വിപണിയിൽ നിലനിർത്തുന്നതിന് വീട്ടുടമസ്ഥർക്ക് അവരുടെ പ്രോപ്പർട്ടികളിൽ നിക്ഷേപം നടത്താൻ അനുവദിക്കുമെന്നും മന്ത്രി കൂട്ടിച്ചേർത്തു. അനുവദനീയമായ വാടക വർധ 2026 ജനുവരി 1 ന് മുമ്പ് പ്രാബല്യത്തിൽ വരില്ലെന്ന് പ്രവിശ്യ അറിയിച്ചു. നോട്ടീസ് ഓഫ് റെന്റ് ഇൻക്രീസ് ഫോം വഴി വാടക വർധന സംബന്ധിച്ച് ഭൂവുടമകൾ വാടകക്കാർക്ക് മൂന്ന് മാസ അറിയിപ്പ് നൽകണം. കൂടാതെ, 12 മാസ കാലയളവിൽ ഒരു പ്രാവശ്യം മാത്രമേ വാടക വർധിപ്പിക്കാൻ അനുവാദമുള്ളൂ.
