യുഎസ് സർക്കാർ ഏജൻസി ഡിപ്പാർട്ട്മെൻ്റ് ഓഫ് ഗവൺമെൻ്റ് എഫിഷ്യൻസി (ഡോജ്) തലവൻ ഇലോൺ മസ്കിന്‍റെ കനേഡിയൻ പൗരത്വം റദ്ദാക്കണമെന്ന് എൻഡിപി. ഇരട്ട പൗരത്വവും കനേഡിയൻ പാസ്‌പോർട്ടും റദ്ദാക്കണമെന്ന് ആവശ്യപ്പെട്ട് എൻഡിപി പാർലമെൻ്റ് അംഗം ചാർളി ആംഗസ് ഇലക്ട്രോണിക് പെറ്റിഷൻ ആരംഭിച്ചു.
കാനഡയുടെ ഫെഡറൽ തിരഞ്ഞെടുപ്പിൽ അടക്കം സ്വാധീനം ചെലുത്താൻ ഇലോൺ മസ്ക് സമ്പത്തും അധികാരവും ഉപയോഗിച്ചതായി അദ്ദേഹം ആരോപിച്ചു. കാനഡയെ തകർക്കാൻ ശ്രമിക്കുന്ന യുഎസ് സർക്കാരിൽ അംഗമായ മസ്ക് കാനഡയുടെ ദേശീയ താൽപ്പര്യത്തിന് വിരുദ്ധമായ പ്രവർത്തനങ്ങളിൽ ഏർപ്പെട്ടതായും എൻഡിപി എംപി പറയുന്നു. വ്യാഴാഴ്ച ആരംഭിച്ച ഇലക്ട്രോണിക് പെറ്റിഷനിൽ ഇതുവരെ 76,000 പേർ ഒപ്പുവെച്ചിട്ടുണ്ട്.
