വെല്ലിംഗ്ടൺ : ന്യൂസിലൻഡിൽ റിക്ടർ സ്കെയിലിൽ 6.7 തീവ്രത വൻ ഭൂചലനം. പ്രാദേശിക സമയം ഉച്ചയ്ക്ക് 2:43 നാണ് ഭൂചലനം അനുഭവപ്പെട്ടത്. സൗത്ത് ഐലൻഡിന്റെ സൗത്ത് വെസ്റ്റേൺ ഭാഗത്താണ് പ്രഭവ കേന്ദ്രം. ന്യൂസിലൻഡിലെ സൗത്ത്ലാൻഡ് ജില്ലയിലെ ജനങ്ങൾ തീരപ്രദേശങ്ങളിൽ നിന്ന് മാറിനിൽക്കാൻ അധികൃതർ നിർദ്ദേശം നൽകി. നാശനഷ്ടങ്ങൾ റിപ്പോർട്ട് ചെയ്തിട്ടില്ല.
ഭൂചലനത്തിൽ ഉയർന്ന തീവ്രത രേഖപ്പെടുത്തിയെങ്കിലും സുനാമി സാധ്യതകളില്ലെന്ന് സിവിൽ ഡിഫൻസ്, എമർജൻസി മാനേജ്മെന്റ് ഉദ്യോഗസ്ഥർ അറിയിച്ചു. കൂടാതെ, ശക്തവും അസാധാരണവുമായ പ്രകമ്പനങ്ങൾക്ക് സാധ്യതയുണ്ടെന്ന് എമർജൻസി മാനേജ്മെന്റ് മന്ത്രി മാർക്ക് മിച്ചൽ പറഞ്ഞു.
