കാൽഗറി : ബാങ്ക് ഓഫ് കാനഡ വീണ്ടും പലിശനിരക്ക് കുറച്ചതോടെ വേരിയബിള്‍ റേറ്റ് മോര്‍ട്ട്‌ഗേജുകള്‍ക്കുള്ള ആവശ്യം വർധിച്ചേക്കുമെന്ന് റിപ്പോർട്ട്. ഇതോടെ വീട് വാങ്ങുന്നവര്‍ക്ക് കുറഞ്ഞ നിരക്ക് ഉള്‍പ്പെടെ സുരക്ഷിതമായി പണം നിക്ഷേപിക്കാനാവുമെന്നാണ് പ്രതീക്ഷ. ജൂണിൽ സെൻട്രൽ ബാങ്ക് പലിശനിരക്ക് കുറയ്ക്കാൻ തുടങ്ങിയതിന് ശേഷം വീട് വാങ്ങുന്നവർ ഫിക്‌സഡ് റേറ്റ് മോര്‍ട്ട്‌ഗേജുകളേക്കാള്‍ വേരിയബിള്‍ റേറ്റ് തെരഞ്ഞെടുക്കാന്‍ തുടങ്ങിയതായി സ്റ്റാറ്റിസ്റ്റിക്‌സ് കാനഡ റിപ്പോർട്ട് ചെയ്തു.

നവംബര്‍ വരെയുള്ള എല്ലാ പുതിയ ബാങ്ക് മോര്‍ട്ട്‌ഗേജുകളുടെയും 25 ശതമാനവും വേരിയബിള്‍ റേറ്റ് മോര്‍ട്ട്‌ഗേജുകളാണ്. ബാങ്ക് ഓഫ് കാനഡ പലിശനിരക്ക് അറശതമാനം വീതം കുറച്ചതോടെ ഒക്ടോബറില്‍ 19 ശതമാനവും 2023 ജൂലൈയില്‍ 5 ശതമാനവുമായി ഇത്. വേരിയബിള്‍-റേറ്റ് മോര്‍ട്ട്‌ഗേജിന്റെ ചെലവ് നിശ്ചിത- നിരക്ക് വായ്പയേക്കാള്‍ കൂടുതലായി. കഴിഞ്ഞ വര്‍ഷം ജനുവരിയില്‍ ശരാശരി അഞ്ച് വര്‍ഷത്തെ വേരിയബിള്‍-റേറ്റ് മോര്‍ട്ട്‌ഗേജിന് 6.23 ശതമാനം പലിശ നിരക്ക് ഉണ്ടായിരുന്നപ്പോള്‍ സ്ഥിര-നിരക്ക് ഉല്‍പ്പന്നത്തിന് 5.07 ശതമാനം ആയിരുന്നുവെന്ന് മോര്‍ട്ട്‌ഗേജ്‌ലോജിക്ക് ഡോട്ട് ന്യൂസ് റിപ്പോര്‍ട്ട് ചെയ്യുന്നു. എന്നാല്‍ ഈ വര്‍ഷം ജനുവരിയില്‍ അഞ്ച് വര്‍ഷത്തെ വേരിയബിള്‍ റേറ്റ് മോര്‍ട്ട്‌ഗേജിന് ശരാശരി പലിശനിരക്ക് 4.55 ശതമാവും ശരാശരി സ്ഥിരവായ്പ 4.29 ശതമാനവുമാണെന്ന് മോര്‍ട്ട്‌ഗേജ്‌ലോജിക്ക് ഡോട്ട് ന്യൂസ് പറയുന്നു.