സ്വർണത്തിന്റെ ഇറക്കുമതി തീരുവ നിലവിലുള്ള 6 ശതമാനത്തിൽ നിന്നും 15 ശതമാനമായാണ് കേന്ദ്ര സർക്കാർ വർധിപ്പിച്ചത്
കൊച്ചി: കേന്ദ്ര സർക്കാർ സ്വർണത്തിന്റെ ഇറക്കുമതി തീരുവ കുത്തനെ വർധിപ്പിച്ചതോടെ രാവിലെ കുതിച്ചുയർന്ന സ്വർണവിലയിൽ ഉച്ചയോടെ ഇടിവ്. ഇന്ന് രാവിലെ ഒറ്റദിവസം കൊണ്ട് പവന് 10,200 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വില 1,12,920 രൂപയിൽ നിന്ന് 1,23,120 രൂപയായി ഉയർന്നു. എന്നാൽ, ഉച്ചയോടെ വില നേരിയ തോതിൽ കുറഞ്ഞു. ഗ്രാമിന് 500 രൂപ കുറഞ്ഞ് 14890 രൂപയായി. ഇതോടെ പവൻ വില 1,19,120 രൂപയിലേക്ക് താഴ്ന്നു.
