പാലക്കാട്: കൊടുന്തരപ്പുള്ളിയിൽ മകനെ അച്ഛൻ വെട്ടിക്കൊലപ്പെടുത്തി. സിജിലിനെ (31) ആണ് അച്ഛൻ ശിവൻ കൊലപ്പെടുത്തിയത്. മദ്യപിച്ച് ബഹളമുണ്ടാക്കിയതിനായിരുന്നു കൊലപാതകം. കൊലപാതക ശേഷം ശിവൻ ഒളിവിൽപോയി. കാപ്പ കേസ് പ്രതിയാണ് സിജിൽ.
തിങ്കളാഴ്ച രാത്രി 7 മണിയോടുകൂടി മദ്യപിച്ചെത്തിയ സിജിലുമായി ശിവൻ വഴക്കിടുകയും പിന്നാലെ വെട്ടിക്കൊലപ്പെടുത്തുകയുമായിരുന്നു. സിജിലിനെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചെങ്കിലും മരിച്ചു. സിജിൽ പെയിന്റിങ് തൊഴിലാളിയും ശിവൻ കൃഷിപ്പണിക്കാരനുമാണ്. സിജിൽ ലഹരിക്ക് അടിമയാണെന്നാണ് വിവരം.
