ഏപ്രിലിലെ ആദ്യ എക്സ്പ്രസ് എന്‍ട്രി നറുക്കെടുപ്പിലൂടെ 825 അപേക്ഷകര്‍ക്ക് ഇന്‍വിറ്റേഷന്‍ നല്‍കി ഇമിഗ്രേഷന്‍ റെഫ്യൂജീസ് ആന്‍ഡ് സിറ്റിസണ്‍ഷിപ്പ് കാനഡ (ഐആര്‍സിസി). ഏറ്റവും കുറഞ്ഞ സമഗ്ര റാങ്കിംഗ് സിസ്റ്റം (CRS) സ്‌കോര്‍ 764 ഉള്ള ഉദ്യോഗാര്‍ത്ഥികളെയാണ് ഈ പ്രൊവിന്‍ഷ്യല്‍ നോമിനി പ്രോഗ്രാം നറുക്കെടുപ്പില്‍ പരിഗണിച്ചത്.
അറേഞ്ച്ഡ് എംപ്ലോയ്മെന്റിനുള്ള CRS പോയിന്റുകള്‍ നീക്കം ചെയ്തതിനെ തുടര്‍ന്ന് മാര്‍ച്ച് 21-ന് ഫ്രഞ്ച് ഭാഷാ പ്രാവീണ്യമുള്ള നറുക്കെടുപ്പും മാര്‍ച്ച് 17-ന് മറ്റൊരു PNP നറുക്കെടുപ്പും നടന്നിരുന്നു. എക്സ്പ്രസ് എന്‍ട്രി സംവിധാനം വഴി 2025-ല്‍ IRCC ഇതുവരെ 31,508 ഉദ്യോഗാര്‍ത്ഥികള്‍ക്ക് ഇന്‍വിറ്റേഷന്‍ നല്‍കിയിട്ടുണ്ട്. 2025-2027 ഇമിഗ്രേഷന്‍ ലെവല്‍ പ്ലാന്‍ അനുസരിച്ച്, 2025-ല്‍ എക്സ്പ്രസ് എന്‍ട്രി സംവിധാനത്തിലൂടെ 124,680 പുതിയ സ്ഥിര താമസക്കാരെ കാനഡ സ്വാഗതം ചെയ്യുമെന്ന് പ്രതീക്ഷിക്കുന്നു.
