എഡ്മന്റൺ: കാനഡയിൽ ഇപ്പോൾ വാടക നിരക്കിൽ ഏറ്റവും അഫോർഡബിളായ നഗരം എഡ്മന്റനെന്ന് റിപ്പോർട്ട്. സമ്പറിൽ നിന്നുള്ള പുതിയ കനേഡിയൻ റെന്റ് റിപ്പോർട്ടിൽ എഡ്മന്റൻ 23 പ്രധാന നഗരങ്ങളുടെ പട്ടികയിൽ ഏറ്റവും അവസാന സ്ഥാനത്താണ്. നഗരത്തിൽ വൺ ബെഡ്റൂം വീടിന് പ്രതിമാസം ശരാശരി 1,310 ഡോളറാണ് നിരക്ക്. കഴിഞ്ഞ മാസത്തേക്കാൾ മൂന്ന് ശതമാനം കുറവും 2024 ഓഗസ്റ്റിനെ അപേക്ഷിച്ച് 2.2 ശതമാനം കുറവുമാണ്.
സസ്ക്കാറ്റൂൺ, റെജീന, ക്യുബെക്ക് സിറ്റി എന്നിവയേക്കാൾ അഫോർഡബിളായ നിരക്കിലെത്തിയിരിക്കുകയാണ്. ഇവിടങ്ങളിൽ വൺ ബെഡ്റൂം വീടിന്റെ വാടക നിരക്ക് ശരാശരി 1,330 ഡോളറാണ്. രാജ്യവ്യാപകമായി വൺ ബെഡ്റൂം വിലയിൽ ഏറ്റവും വലിയ വാർഷിക ഇടിവ് ടൊറന്റോയിലാണ് അനുഭവപ്പെട്ടത്. 11.9 ശതമാനം ഇടിവാണ് ഇവിടെ രേഖപ്പെടുത്തിയത്.
