ഫെഡറൽ സർക്കാരിന്റെ അമിത ഇടപെടലുകളിൽ നിന്ന് പ്രവിശ്യയെ സംരക്ഷിക്കാൻ പുതിയ പാനൽ രൂപീകരിച്ച് ആൽബർട്ട സർക്കാർ. മൂന്ന് യുസിപി നിയമസഭാംഗങ്ങൾ, പരിസ്ഥിതി മന്ത്രി റെബേക്ക ഷുൾസ്, അക്കാദമിക് വിദഗ്ധൻ എന്നിവർ അടക്കം 15 പേരാണ് ആൽബർട്ട നെക്സ്റ്റ്’ എന്ന് പേരിട്ടിരിക്കുന്ന പാനലിൽ ഉള്ളത്. ആൽബർട്ടയുടെ കനേഡിയൻ യൂണിയനിലെ സ്ഥാനം മെച്ചപ്പെടുത്തുക എന്നതാണ് പാനലിന്റെ പ്രധാന ലക്ഷ്യം.
ഫെഡറൽ ഇടപെടൽ കുറയ്ക്കാനുള്ള വഴികൾ കണ്ടെത്താൻ ഈ വേനൽക്കാലത്ത് പ്രവിശ്യയിൽ പര്യടനം നടത്തുമെന്നും സ്മിത്ത് അറിയിച്ചു. ജൂലൈയിൽ ആരംഭിച്ച് സെപ്റ്റംബർ അവസാനം വരെ നീണ്ടുനിൽക്കുന്ന ഈ ജനസമ്പർക്ക പരിപാടികൾക്ക് ശേഷം, പാനൽ കണ്ടെത്തിയ വിവരങ്ങളനുസരിച്ചുള്ള നയപരമായ ശുപാർശകൾ 2026-ൽ റഫറണ്ടത്തിനായി സമർപ്പിക്കും.
