കണ്‍സര്‍വേറ്റീവ് പാര്‍ട്ടി ഓഫ് കാനഡ കണ്‍വന്‍ഷന്‍ ജനുവരി 29, 31 തീയതികളില്‍ കാല്‍ഗറിയില്‍ നടക്കും. കണ്‍വന്‍ഷനില്‍ പാര്‍ട്ടി ലീഡര്‍ പിയേര്‍ പൊളിയേവ് നേതൃത്വ അവലോകന വോട്ടെടുപ്പ് നേരിടേണ്ടിവരും.
കഴിഞ്ഞ ഫെഡറല്‍ തിരഞ്ഞെടുപ്പില്‍ കഴിഞ്ഞ 20 വര്‍ഷമായി പൊളിയേവ് പ്രതിനിധീകരിച്ചിരുന്ന ഓട്ടവ കാള്‍ട്ടണ്‍ റൈഡിങ്ങില്‍ അദ്ദേഹം, ലിബറല്‍ സ്ഥാനാര്‍ത്ഥിയായ ബ്രൂസ് ഫാന്‍ജോയോട് നാലായിരത്തി മുന്നൂറിലധികം വോട്ടുകള്‍ക്ക് പരാജയപ്പെട്ടിരുന്നു. സ്വന്തം സീറ്റ് നഷ്ടപ്പെട്ടതോടെ പൊളിയേവ് നിലവില്‍ പ്രതിപക്ഷ നേതാവല്ല. പൊളിയേവിന് ഉപതിരഞ്ഞെടുപ്പില്‍ മത്സരിക്കാന്‍ അവസരം ഒരുക്കുന്നതിനായി, കണ്‍സര്‍വേറ്റീവ് എംപി ഡാമിയന്‍ കുറേക്ക് ആല്‍ബര്‍ട്ടയിലെ ബാറ്റില്‍ റിവര്‍-ക്രോഫൂട്ട് സീറ്റ് കഴിഞ്ഞ ദിവസം രാജിവച്ചിരുന്നു.
