ലൊസാഞ്ചലസ് : കുട്ടികളെ ലൈംഗികമായി ദുരുപയോഗം ചെയ്യുന്ന വിഡിയോ അടക്കം കൈവശം വെച്ച കനേഡിയന് ഇന്ഡി റോക്ക് ബാന്ഡായ ദി ന്യൂ പോര്ണോഗ്രാഫേഴ്സിന്റെ ഡ്രമ്മര് ജോസഫ് സീഡേഴ്സിനെ കാലിഫോര്ണിയയില് അറസ്റ്റ് ചെയ്തു. സീഡേഴ്സ് കാലിഫോര്ണിയയിലെ പാം ഡെസേര്ട്ടിലുള്ള ചിക്ക്-ഫില്-എ റസ്റ്റോറന്റിലെ ബാത്ത്റൂമില് വെച്ച് ഫോണില് ആണ്കുട്ടികളുടെ ദൃശ്യങ്ങള് പകര്ത്തിയതായി അധികൃതര് അറിയിച്ചു. അതേസമയം ഇയാള്ക്കെതിരെ ഒരു ഫാസ്റ്റ് ഫുഡ് റസ്റ്റോറന്റില് 11 വയസ്സുള്ള ആണ്കുട്ടി ബാത്ത്റൂം ഉപയോഗിക്കുമ്പോള് ഫോണില് വിഡിയോ റെക്കോര്ഡ് ചെയ്തതുമായി ബന്ധപ്പെട്ട് മറ്റൊരു റിപ്പോര്ട്ട് പൊലീസിന് ലഭിച്ചിരുന്നു. അതിന് പിന്നലെയാണ് ചിക്-ഫില്-എയില് വീണ്ടും പ്രതിക്കെതിരെ ഇത്തരത്തിലുള്ള സംഭവം റിപ്പോര്ട്ട് ചെയ്തത്. തുടര്ന്ന് വീട്ടില് നടത്തിയ പരിശോധനയില് ഇയാള്ക്കെതിരെയുള്ള തെളിവുകള് കണ്ടെത്തുകയായിരുന്നു.
കുട്ടികളെ ലൈംഗികമായി ദുരുപയോഗം ചെയ്യുന്ന വസ്തുക്കള് കൈവശം വയ്ക്കല്, കുട്ടികളെ ലൈംഗികമായി പീഡിപ്പിക്കല്, സ്വകാര്യതയിലേക്കുള്ള കടന്നുകയറ്റം തുടങ്ങി നിരവധി കുറ്റങ്ങള് പ്രതിക്കെതിരെ ചുമത്തിയതായി പ്രാദേശിക ഷെരീഫ് വകുപ്പ് പറഞ്ഞു. അന്വേഷണം പുരോഗമിക്കുന്നു .
