ആദ്യ ഹെൽത്ത് കെയർ കാറ്റഗറി എക്സ്പ്രസ് എൻട്രി നറുക്കെടുപ്പിലൂടെ സ്ഥിര താമസത്തിനായി അപേക്ഷിക്കാൻ 500 അപേക്ഷകരെ ക്ഷണിച്ച് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). ഈ നറുക്കെടുപ്പിൽ 510 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ള അപേക്ഷകരെയാണ് പരിഗണിച്ചത്.
മെയ് 1-ന് ആദ്യത്തെ എഡ്യൂക്കേഷൻ കാറ്റഗറി എക്സ്പ്രസ് എൻട്രി നറുക്കെടുപ്പ് നടന്നിരുന്നു. ഈ നറുക്കെടുപ്പിലൂടെ സ്ഥിര താമസത്തിനായി അപേക്ഷിക്കാൻ 1,000 ഉദ്യോഗാർത്ഥികൾക്ക് ഐആർസിസി ഇൻവിറ്റേഷൻ നൽകിയിരുന്നു. ഈ വർഷം ഇതുവരെ, എക്സ്പ്രസ് എൻട്രി നറുക്കെടുപ്പിലൂടെ 33,429 ഉദ്യോഗാർത്ഥികൾക്ക് ഐആർസിസി ഐടിഎകൾ നൽകിയിട്ടുണ്ട്.
