കാൽഗറി: സൗത്ത്ഈസ്റ്റ് ഡൗൺടൗൺ കാൽഗറിയിൽ ട്രാൻസിറ്റ് ബസ് ഡ്രൈവർക്ക് നേരെ പെപ്പർ സ്പ്രേ ആക്രമണം. സെന്റർ സ്ട്രീറ്റ് എസ്ഇയ്ക്ക് സമീപം 7 അവന്യുവിൽ ശനിയാഴ്ച വൈകിട്ട് 6.30 ഓടെയാണ് ആക്രമണം നടന്നതെന്നാണ് റിപ്പോർട്ട്. ഓഫ് ഡ്യൂട്ടിയിലായിരുന്ന ഡ്രൈവർ ഏരിയയിലൂടെ നടന്നുപോകുമ്പോൾ രണ്ട് അജ്ഞാതർ ഡ്രൈവർക്ക് നേരെ ആക്രമണം നടത്തുകയായിരുന്നുവെന്ന് പോലീസ് സർജന്റ് മൈക്ക് കെം പറഞ്ഞു.
സംഭവം നടന്ന ഉടൻ സ്ഥലത്തെത്തിയ പോലീസ് പ്രതികൾക്കായി തിരച്ചിൽ നടത്തി. ഏറെ നേരം നടത്തിയ പരിശോധനയിൽ സാക്ഷികളുടെ സഹായത്തോടെ പ്രതികളെ കണ്ടെത്തിയതായി പോലീസ് പറഞ്ഞു. സാരമായി പരുക്കേറ്റ ഡ്രൈവറെ ആശുപത്രിയിൽ പ്രവേശിപ്പിച്ചു. പ്രതികൾക്കെതിരെ കുറ്റം ചുമത്തി.
