അമേരിക്കയിലുടനീളം വിൽക്കപ്പെടുന്ന പ്രമുഖ ബ്രാൻഡ് ഷാംപൂവിൽ അപകടകരമായ ബാക്ടീരിയയുടെ സാന്നിധ്യം കണ്ടെത്തിയതിനെത്തുടർന്ന് വിപണിയിൽ നിന്നും തിരിച്ചുവിളിച്ചു. സിൻസിനാറ്റി ആസ്ഥാനമായി പ്രവർത്തിക്കുന്ന ‘കാവോ യുഎസ്എ’ എന്ന കമ്പനിയുടെ ‘ഒറിബെ സിറീൻ സ്കാൽപ് ഡെൻസിഫയിങ് ഷാംപൂ’ സൈസുകൾ) എന്ന ഉൽപ്പന്നമാണ് പിൻവലിക്കുന്നത്. ഈ ഷാംപൂവിൽ ‘പ്ലൂറാലിബാക്ടർ ഗെർഗോവിയെ’ എന്ന ബാക്ടീരിയയുടെ സാന്നിധ്യം കണ്ടെത്തിയതായി യു.എസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ റിപ്പോർട്ട് ചെയ്തു. രോഗപ്രതിരോധ ശേഷി കുറഞ്ഞ ആളുകളിൽ ഇത് ഗുരുതരമായ ആരോഗ്യപ്രശ്നങ്ങൾക്ക് കാരണമാകും.

2026 ഫെബ്രുവരി 21-നും 26-നും ഇടയിൽ നിർമ്മിച്ച, ‘YR’ എന്ന് തുടങ്ങുന്ന ലോട്ട് കോഡുകളുള്ള (ഉദാഹരണത്തിന്: YR010556) ഷാംപൂകളാണ് കമ്പനി തിരിച്ചുവിളിക്കുന്നത്. ഈ ഉൽപ്പന്നം വാങ്ങിയ ഉപയോക്താക്കൾ ഇത് ഉപയോഗിക്കരുതെന്നും, പകരമുള്ള ഉൽപ്പന്നത്തിനായി കമ്പനിയുടെ ഹെൽപ്‌ലൈൻ നമ്പറിലോ ഇമെയിലിലോ ബന്ധപ്പെടണമെന്നും നിർദ്ദേശിച്ചു.