ഓട്ടവ : മുന്‍ മാസത്തേക്കാള്‍ മൂന്ന് പോയിന്റ് കുറഞ്ഞ് മാര്‍ച്ചില്‍ കാനഡയുടെ വാര്‍ഷിക പണപ്പെരുപ്പം 2.3 ശതമാനമായതായി സ്റ്റാറ്റിസ്റ്റിക്‌സ് കാനഡ . ഇന്ധനവില, ട്രാവല്‍ ടൂര്‍ നിരക്കുകളില്‍ ഉണ്ടായ ഇടിവിനെ തുടര്‍ന്നാണ് വാര്‍ഷിക പണപ്പെരുപ്പത്തില്‍ കുറവുണ്ടായതെന്ന് ഫെഡറല്‍ ഏജന്‍സി . അതേസമയം മാസാടിസ്ഥാനത്തില്‍ പണപ്പെരുപ്പം 0.3% ഉയര്‍ന്നതായും സ്റ്റാറ്റിസ്റ്റിക്‌സ് കാനഡ റിപ്പോര്‍ട്ട് ചെയ്തു.
വാര്‍ഷികാടിസ്ഥാനത്തില്‍ ഭക്ഷ്യവസ്തുക്കളുടെ വില 3.2 ശതമാനവും ലഹരിപാനീയങ്ങളുടെ വില 2.4 ശതമാനവും കൂടിയിരുന്നു. എന്നാല്‍ പെട്രോള്‍ വിലയിലെ 1.6% ഇടിവാണ് ഈ വര്‍ധനവിനെ വലിയ തോതില്‍ നികത്തിയത്. പെട്രോള്‍ വില ഇല്ലാതെ, ഉപഭോക്തൃ വില സൂചിക മാര്‍ച്ചില്‍ 2.5% ഉയര്‍ന്നതായി ഏജന്‍സി അറിയിച്ചു. വര്‍ഷം തോറും, ട്രാവല്‍ ടൂര്‍ നിരക്കുകള്‍ക്കുള്ള വില മാര്‍ച്ചില്‍ 4.7% കുറഞ്ഞു, വിമാന ഗതാഗത നിരക്ക് 12.0% കുറഞ്ഞു. യുഎസിലേക്കുള്ള കനേഡിയന്‍ വിമാന യാത്ര കുറയുന്നതുമായി ബന്ധപ്പെട്ടാണ് വിമാന യാത്രയില്‍ ഇടിവ് രേഖപ്പെടുത്തിയതെന്ന് ഫെഡറല്‍ ഏജന്‍സി പറയുന്നു.
അതേസമയം വാര്‍ഷിക പണപ്പെരുപ്പ നിരക്ക് 2.6% ആയി തുടരുമെന്നും പ്രതിമാസ അടിസ്ഥാനത്തില്‍ 0.6% ഉയരുമെന്നും നിരവധി സാമ്പത്തിക വിദഗ്ധര്‍ പ്രവചിച്ചിരുന്നു.
