ന്യൂയോര്ക്ക് : കൊളംബിയ സര്വകലാശാലയില് പലസ്തീന് അനുകൂല പ്രതിഷേധത്തില് പങ്കെടുത്ത 50-ല് അധികം വിദ്യാര്ത്ഥികളെ ന്യൂയോര്ക്ക് പൊലീസ് അറസ്റ്റ് ചെയ്തു. ബട്ലര് ലൈബ്രറിക്ക് പുറത്ത് ന്യൂയോര്ക്ക് പൊലീസ് ഡിപ്പാര്ട്ട്മെന്റിന്റെ വാനുകളിലും ബസുകളിലുമായാണ് വിദ്യാര്ത്ഥികളെ അറസ്റ്റ് ചെയ്തു നീക്കിയത്. ക്യാംപസില് നിന്ന് പോകാന് വിസമ്മതിച്ച മറ്റ് പ്രതിഷേധക്കാരെയും പൊലീസ് വളഞ്ഞു.
ഗാസ-ഇസ്രയേല് യുദ്ധത്തിനെതിരെ കഴിഞ്ഞ വര്ഷം നടന്ന പ്രതിഷേധങ്ങളുടെ അലയൊലികള്ക്ക് ശേഷം ക്യാംപസില് നടന്ന ഏറ്റവും വലിയ പലസ്തീന് അനുകൂല പ്രകടനങ്ങളിലൊന്നായിരുന്നു ഇത്. ഗാസയെ സ്വതന്ത്രമാക്കുക എന്ന ബാനറുകള് പിടിച്ച മുഖംമൂടി ധരിച്ച പ്രതിഷേധക്കാരുടെ വീഡിയോകളും ഫോട്ടോകളും സോഷ്യല് മീഡിയയില് പ്രചരിക്കുന്നുണ്ട്.
