കാല്‍ഗറിയില്‍ കഴിഞ്ഞ മാസം രണ്ട് ടെസ്ല വാഹനങ്ങള്‍ തീയിട്ട് നശിപ്പിച്ച കേസില്‍ പ്രതിക്കായുള്ള തിരച്ചില്‍ ഊര്‍ജ്ജിതമാക്കി പൊലീസ്. മാര്‍ച്ച് 18, 19 തീയതികളില്‍ സൗത്ത് ഈസ്റ്റ് കാല്‍ഗറിയിലാണ് സംഭവം.

മുപ്പത് വയസുളള പ്രതിക്ക് ഏകദേശം 5 അടി 10 ഇഞ്ച് ഉയരവും, ഇടത്തരം ശരീരഘടനയുമാണുള്ളത്. തവിട്ട് നിറമുള്ള മുടിയും കണ്ണുകളുമുള്ള ഇയാള്‍ നീല തൊപ്പിയും പര്‍പ്പിള്‍ ടീ-ഷര്‍ട്ടും കറുത്ത ജാക്കറ്റും ധരിച്ചിരുന്നതായി പോലീസ് പറയുന്നു. പ്രതിയെക്കുറിച്ചോ സംഭവത്തെക്കുറിച്ചോ എന്തെങ്കിലും വിവരം ലഭിക്കുന്നവര്‍ 403-266-1234 എന്ന നമ്പറില്‍ അന്വേഷണ ഉദ്യോഗസ്ഥരുമായോ ബന്ധപ്പെടണമെന്ന് അധികൃതര്‍ നിര്‍ദ്ദേശിച്ചു.