ഓട്ടവ: യുഎസില്‍ ട്രംപിനെതിരെ പ്രതിഷേധങ്ങള്‍ നടക്കുന്നതിനിടെ കാനഡയുടെ പരമാധികാരത്തിനു നേരെയുള്ള ട്രംപിന്റെ ഭീഷണികള്‍ക്കെതിരെ ഞായറാഴ്ച കാനഡയിലുടനീളം പ്രതിഷേധക്കാര്‍ റാലി നടത്തി.
മണ്‍ട്രിയോളിലെ , മൗണ്ട് റോയല്‍ പാര്‍ക്കില്‍ നൂറുകണക്കിന് ആളുകള്‍ ഒത്തുകൂടി റാലിയില്‍ പങ്കെടുത്തു. ‘ഹാന്‍ഡ്‌സ് ഓഫ്,’ കാനഡ മികച്ചതാണ് തുടങ്ങിയ വാചകങ്ങള്‍ എഴുതിയ ബാനറുകള്‍ ഉയര്‍ത്തിക്കാട്ടിയാണ് പ്രതിഷേധക്കാര്‍ റാലിയില്‍ അണിനിരന്നത്. കലാകാരന്മാര്‍, രാഷ്ട്രീയക്കാര്‍ തുടങ്ങിയവര്‍ റാലിയില്‍ പങ്കെടുത്തു. രണ്ട് ദിവസത്തെ അറ്റ്‌ലാന്റിക് കാനഡ പര്യടനം പൂര്‍ത്തിയാക്കിയെത്തിയ എന്‍ഡിപി ലീഡര്‍ ജഗ്മീത് സിങും റാലിയില്‍ പങ്കെടുത്തു.
അതേസമയം നോവസ്‌കോഷയിലെ ഹാലിഫാക്‌സ്, മറ്റു മാരിടൈംസ് പ്രവിശ്യകള്‍, മാനിറ്റോബ തുടങ്ങി രാജ്യത്തുടനീളമുള്ള നിരവധി റാലികളില്‍ നൂറുകണക്കിന് ആളുകള്‍പങ്കെടുത്തു.
