പാരൻ്റ്‌സ് ആൻഡ് ഗ്രാൻഡ് പാരൻ്റ്‌സ് പ്രോഗ്രാം അപേക്ഷകളുടെ എണ്ണം വർധിപ്പിച്ച് കാനഡ. 2025-ൽ 25,000 സ്പോൺസർഷിപ്പ് അപേക്ഷകൾ വരെ സ്വീകരിക്കുമെന്ന് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. 2025-ൽ പുതിയ അപേക്ഷകളൊന്നും സ്വീകരിക്കില്ലെന്നും 2024-ൽ നിന്ന് പരമാവധി 15,000 അപേക്ഷകൾ മാത്രം പ്രോസസ്സ് ചെയ്യാനാണ് ഉദ്ദേശിക്കുന്നതെന്നും ജനുവരിയിൽ ഇമിഗ്രേഷൻ വകുപ്പ് വ്യക്തമാക്കിയിരുന്നു. കനേഡിയൻ പൗരന്മാർക്കും സ്ഥിര താമസക്കാർക്കും 2020-ലെ പിജിപിയ്‌ക്കായി സ്‌പോൺസർ ഫോമുകൾ സമർപ്പിക്കുകയും ഇതുവരെ അപേക്ഷിക്കാനുള്ള ഇൻവിറ്റേഷൻ ലഭിക്കാത്തവർക്കും ഈ വർഷം പിജിപി ഇൻടേക്ക് തുറക്കുമ്പോൾ അപേക്ഷിക്കാനുള്ള ഇൻവിറ്റേഷൻ സ്വീകരിക്കാൻ അവസരമുണ്ട്.