ഓട്ടവ: ടൊറന്റോയിലേയും സതേൺ ഒന്റാരിയോയിലെയും കനത്ത മഞ്ഞുവീഴ്ചയെത്തുടർന്ന് വിമാന സർവീസുകൾ റദ്ദാക്കിയതായി ട്രാൻസിറ്റ് ഏജൻസീസ്. ചില വിമാനങ്ങൾ വൈകുമെന്നും ട്രാൻസിറ്റ് ഏജൻസീസ് മുന്നറിയിപ്പ് നൽകി. ഏകദേശം 200 ലധികം വിമാനങ്ങളാണ് മഞ്ഞുവീഴ്ച കാരണം റദ്ദാക്കിയത്. ശനിയാഴ്ച രാവിലെ 20 സെന്റീമീറ്റർ വരെ മഞ്ഞുവീഴ്ച ഉണ്ടായതായി പിയേഴ്‌സൺ വിമാനത്താവള അധികൃതർ അറിയിച്ചു.
ടൊറന്റോയിൽ 15 മുതൽ 25 സെന്റീമീറ്റർ വരെ മഞ്ഞുവീഴ്ച ഉണ്ടാകുമെന്ന് എൻവയൺമെന്റ് കാനഡ മുന്നറിയിപ്പ് നൽകിയിരുന്നു. മണിക്കൂറിൽ 3 മുതൽ 5 സെന്റീമീറ്റർ വരെ വേഗത്തിൽ മഞ്ഞ് അടിഞ്ഞുകൂടുന്നത് ചില പ്രദേശങ്ങളിലെ യാത്ര അപകടകരമാക്കുമെന്നും എൻവയൺമെന്റ് കാനഡ വ്യക്തമാക്കി.
