കുളത്തൂപ്പുഴ: അമേരിക്കൻ മലയാളികളുടെ സംഘടനയായ ഫോമായുടെ വിമൻസ് ഫോറത്തിന്റെ നേതൃത്വത്തിൽ കൊല്ലം ജില്ലയിലെ കുളത്തൂപ്പുഴയിൽ ആദിവാസികൾക്ക് ടൂൾ കിറ്റ് വിതരണം ചെയ്തു. കുളത്തൂപ്പുഴ ഗ്രാമ പഞ്ചായത്ത് കോൺഫറൻസ് ഹാളിൽ നടന്ന സമ്മേളനം കൊല്ലം ജില്ലാ പഞ്ചായത്ത് വൈസ് പ്രസിഡന്റ് ശ്രീജ ഹരീഷ് ഉദ്ഘാടനം ചെയ്തു. അഞ്ചൽ ബ്ലോക്ക് പഞ്ചായത്ത് പ്രസിഡന്റ് ഓമനാ മുരളി അധ്യക്ഷത വഹിച്ചു. കാനറാ ബാങ്ക് കൊല്ലം റീജിയണൽ ഹെഡ് സുബ്ബ റാവു, കുളത്തൂപ്പുഴ ഗ്രാമ പഞ്ചായത്ത് പ്രസിഡന്റ് പി. ലൈലാ ബീവി, ഫോമ പ്രസിഡന്റ് ബേബി മണക്കുന്നേൽ എന്നിവർ പ്രസംഗിച്ചു.
