കാനഡയിൽ ഭീഷണിയുയർത്തി പുതിയ ഫ്ലൂ വകഭേദം പടരുന്നതായി ആരോഗ്യ വിദഗ്ധർ മുന്നറിയിപ്പ് നൽകി. സബ്ക്ലേഡ് കെ എന്നറിയപ്പെടുന്ന ഇൻഫ്ലുവൻസ എ (എച്ച്3എൻ2) വൈറസിന്റെ വകഭേദമാണ് കാനഡയിൽ പടർന്നു പിടിക്കുന്നത്. ഈ പുതിയ വകഭേദം യുകെ, ജപ്പാൻ തുടങ്ങിയ രാജ്യങ്ങളിലും വ്യാപിക്കുന്നുണ്ട്. വൈറസിനെതിരായ പ്രാഥമിക പ്രതിരോധം വാക്സിനേഷൻ തന്നെയാണെങ്കിലും, മുൻ വർഷങ്ങളിലേതുപോലെ ഈ വകഭേദത്തിനെതിരെ നിലവിലെ വാക്സിൻ അത്ര ഫലപ്രദമാകണമെന്നില്ലെന്ന് വിദഗ്ധർ പറയുന്നു.

എന്നാൽ, വാക്സിൻ സ്വീകരിച്ചാൽ ഗുരുതര രോഗബാധയ്‌ക്കോ ആശുപത്രിയിൽ പ്രവേശിപ്പിക്കപ്പെടാനോ സാധ്യത കുറവാണ്,’ എബിസി ന്യൂസ് മെഡിക്കൽ കോൺട്രിബ്യൂട്ടർ ഡോ. അലോക് പട്ടേൽ പറഞ്ഞു. അവധിക്കാല ഒത്തുചേരലുകൾ അടുക്കുമ്പോൾ, പ്രത്യേകിച്ച് രോഗലക്ഷണങ്ങൾ അനുഭവപ്പെടുകയാണെങ്കിൽ, മുൻകരുതലുകൾ സ്വീകരിക്കണമെന്നും അലോക് പട്ടേൽ വ്യക്തമാക്കി.