പോസ്റ്റൽ ജീവനക്കാരുടെ പണിമുടക്കുന്നതിനെ തുടർന്ന് പുതിയ ഓഫർ വേഗത്തിൽ അവതരിപ്പിക്കാൻ കാനഡ പോസ്റ്റിനോട് ആവശ്യപ്പെട്ട് ഫെഡറൽ തൊഴിൽ മന്ത്രി പാറ്റി ഹാജ്ഡു. മെയിൽ ഡെലിവറി കുറയ്ക്കുകയും ചില പോസ്റ്റ് ഓഫീസുകൾ അടച്ചുപൂട്ടുകയും ചെയ്യുമെന്ന ഫെഡറൽ സർക്കാർ തീരുമാനത്തെ തുടർന്നാണ് കാനഡ പോസ്റ്റ് വർക്കേഴ്‌സ് യൂണിയൻ (CUPW) രാജ്യവ്യാപകമായി പണിമുടക്ക് ആരംഭിച്ചത്.

ഫെഡറൽ സർക്കാർ നിർദ്ദേശിച്ച മാറ്റങ്ങൾക്കെതിരെ കനേഡിയൻ യൂണിയൻ ഓഫ് പോസ്റ്റൽ വർക്കേഴ്‌സ് (CUPW) വ്യാഴാഴ്ച വൈകിട്ട് മുതലാണ് മിന്നൽ പണിമുടക്ക് ആരംഭിച്ചത്. അടിയന്തരമല്ലാത്ത തപാൽ സർവീസ് വിമാനമാർഗ്ഗം ഒഴിവാക്കി കരയിലൂടെ കൊണ്ടുപോകുക, 40 ലക്ഷം വീടുകളെ കമ്മ്യൂണിറ്റി മെയിൽ ബോക്‌സുകളിലേക്ക് മാറ്റുക തുടങ്ങിയ പരിഷ്കരണങ്ങളാണ് ഫെഡറൽ സർക്കാർ നിർദ്ദേശിച്ചത്. എന്നാൽ ഈ നിർദ്ദേശങ്ങളോട് പ്രതികൂലമായി പ്രതികരിച്ച പോസ്റ്റൽ വർക്കേഴ്സ് യൂണിയൻ പണിമുടക്ക് ആരംഭിക്കുകയായിരുന്നു. പോസ്റ്റൽ സർവ്വീസിനെയും തൊഴിലാളി സംഘടനകളെയും തകർക്കാനാണ് സർക്കാരിൻ്റെ നീക്കമെന്ന് കനേഡിയൻ യൂണിയൻ ഓഫ് പോസ്റ്റൽ വർക്കേഴ്സ് ദേശീയ പ്രസിഡൻ്റ് ജാൻ സിംപ്സൻ പറയുന്നു.