ഓട്ടവ: സേവനങ്ങൾ മെച്ചപ്പെടുത്തുന്നതിനുള്ള 100 ദിന പദ്ധതിയുടെ ഭാഗമായി കോൾ സെന്ററുകളിൽ കൂടുതൽ ജീവനക്കാരെ നിയമിക്കുകയും കൃത്രിമബുദ്ധിയുടെ ഉപയോഗം വിപുലീകരിക്കുകയും ചെയ്യുമെന്ന് കനേഡിയൻ റെവന്യു ഏജൻസി അറിയിച്ചു. ഈ മാസം ആദ്യം ഫെഡറൽ ധനമന്ത്രി ഫ്രാൻസ്വേ ഫിലിപ്പ് ഷാംപെയ്ൻ കോൾ സെന്ററുകളിലെ കാലതാമസം പരിഹരിക്കാൻ സിആർഎയ്ക്ക് 100 ദിവസത്തെ സമയപരിധി നിശ്ചയിച്ചിരുന്നു.
ഡിസംബർ 11നകം സർവീസ് മെച്ചപ്പെടുത്തുന്നതിനായി നിർണായക നടപടികൾ സ്വീകരിച്ചു വരികയാണെന്ന് സിആർഎ വ്യക്തമാക്കി. കൂടാതെ, നികുതി ക്രമീകരണങ്ങളുടെ ബാക്ക്ലോഗ് കുറയ്ക്കുന്നതിന് മറ്റൊരു പദ്ധതിയും നടപ്പിലാക്കും. ഒപ്പം ഓംബുഡ്സ്പേഴ്സൺ ശുപാർശ ചെയ്യുന്ന പുതിയ കോൾ ഷെഡ്യൂളിംഗ് സംവിധാനം പരിശോധിവരികയാണെന്ന് സിആർഎ അറിയിച്ചു.
