മാര്‍ക്ക് കാര്‍ണി സര്‍ക്കാരിന്റെ ചെലവ് ചുരുക്കല്‍ നടപടികള്‍ വിദേശകാര്യ വകുപ്പിനെയും ബാധിക്കുമെന്ന് റിപ്പോര്‍ട്ട്. അടുത്ത വസന്തകാലം മുതല്‍ തങ്ങളുടെ ബജറ്റില്‍ 7.5% ലാഭമുണ്ടാക്കുക എന്ന ലക്ഷ്യത്തോടെ ധനകാര്യ മന്ത്രി ഫ്രാന്‍സ്വാ-ഫിലിപ്പ് ഷാംപെയ്ന്‍ മന്ത്രിമാര്‍ക്ക് കത്തയച്ചിട്ടുണ്ടെന്നും ഇതില്‍ ഗ്ലോബല്‍ അഫയേഴ്സ് കാനഡയും ഉള്‍പ്പെടുമെന്നും വിദേശകാര്യ മന്ത്രി അനിതാ ആനന്ദ് അറിയിച്ചു. ചുവപ്പുനാടയും കാര്യക്ഷമതയില്ലായ്മയും ഇല്ലാതാക്കാന്‍ ഇത് അത്യാവശ്യമാണെന്നും അവര്‍ കൂട്ടിച്ചേര്‍ത്തു. ഗ്ലോബല്‍ അഫയേഴ്സ് കാനഡ വിദേശരാജ്യങ്ങളിലെ തങ്ങളുടെ സാന്നിധ്യം വര്‍ധിപ്പിക്കാന്‍ ലക്ഷ്യമിടുന്നതിനിടെയാണ് ഈ നീക്കം.
മുന്‍ കാനഡ അംബാസഡര്‍ സെനറ്റര്‍ പീറ്റര്‍ ബോം, മുന്‍ നയതന്ത്രജ്ഞനായ അലന്‍ കെസ്സല്‍ എന്നിവര്‍ ഈ നീക്കത്തില്‍ ആശങ്ക പ്രകടിപ്പിച്ചു. നയതന്ത്രജ്ഞരെ വെട്ടിക്കുറയ്ക്കുന്നത് കാനഡയുടെ സ്വാധീനത്തെയും വിദേശത്തുള്ള പൗരന്മാരെ സംരക്ഷിക്കാനുള്ള കഴിവിനെയും ദുര്‍ബലപ്പെടുത്തുമെന്ന് അവര്‍ അഭിപ്രായപ്പെടുന്നു.
അതേസമയം, ഈ വെട്ടിക്കുറയ്ക്കലുകള്‍ എങ്ങനെയായിരിക്കുമെന്ന് അനിതാ ആനന്ദ് വിശദീകരിച്ചില്ല. യുഎസ് സ്റ്റേറ്റ് ഡിപ്പാര്‍ട്ട്‌മെന്റ് ആയിരത്തി മുന്നൂറിലധികം ജീവനക്കാരെ പിരിച്ചുവിട്ടതിന് പിന്നാലെയാണ് അവരുടെ ഈ പ്രസ്താവന എന്നതുംശ്രദ്ധേയമാണ്്.
