കണ്സര്വേറ്റീവ് പാര്ട്ടി ലീഡര് പിയേര് പൊളിയേവ് ഇന്ന് കോക്കസിനെ അഭിസംബോധന ചെയ്യും. ഫെഡറല് തിരഞ്ഞെടുപ്പില് കണ്സര്വേറ്റീവുകള്ക്ക് 144 സീറ്റുകള് ലഭിച്ചെങ്കിലും, പൊളിയേവിന് സ്വന്തം സീറ്റ് നിലനിര്ത്താനായില്ല. ഇതേത്തുടര്ന്ന്, അദ്ദേഹം താല്ക്കാലികമായി പാര്ലമെന്റില് പ്രവേശിക്കില്ല.
എന്നാല്, പൊളിയേവിന് ഉപതിരഞ്ഞെടുപ്പില് മത്സരിക്കാന് അവസരം ഒരുക്കുന്നതിനായി, കണ്സര്വേറ്റീവ് എംപി ഡാമിയന് കുറേക്ക് ആല്ബര്ട്ടയിലെ തന്റെ സീറ്റ് താല്ക്കാലികമായി ഒഴിയും. അതുവരെ, പാര്ട്ടിയുടെ മുന് നേതാവ് ആന്ഡ്രൂ ഷീര് പ്രതിപക്ഷ നേതാവായി ഹൗസ് ഓഫ് കോമണ്സില് പ്രവര്ത്തിക്കും. തന്റെ സാന്നിധ്യം ഉണ്ടാവില്ലെങ്കിലും വിവിധ വിഷയങ്ങളില് ഹൗസ് ഓഫ് കോമണ്സില് സംസാരിക്കാന് 73 പേരെ പൊളിയേവ് വിമര്ശകരായി നിയമിച്ചിട്ടുണ്ട്.
