കാല്‍ഗറി : ആല്‍ബര്‍ട്ട ബാന്‍ഫില്‍ നടക്കുന്ന ജി 7 രാജ്യങ്ങളിലെ ധനകാര്യ ഉദ്യോഗസ്ഥരുടെ ഉച്ചകോടി ഇന്ന് സമാപിക്കും. യുഎസ് പ്രസിഡന്റ് ഡോണള്‍ഡ് ട്രംപിന്റെ താരിഫ് യുദ്ധം ഉള്‍പ്പെടെയുള്ള ആഗോള വ്യാപാര വിഷയങ്ങള്‍, യുക്രെയ്ന്‍ യുദ്ധം, കൃത്രിമബുദ്ധി എന്നിവ ചര്‍ച്ചാ വിഷയമായിരുന്നു.
കനേഡിയന്‍ ധനകാര്യ മന്ത്രി ഫ്രാന്‍സ്വ ഫിലിപ്പ് ഷാംപെയ്ന്‍ ഫ്രാന്‍സുമായും ഇറ്റലിയുമായും ഉഭയകക്ഷി ചര്‍ച്ചകള്‍ നടത്തി. കൂടാതെ യുഎസ് ട്രഷറി സെക്രട്ടറി സ്‌കോട്ട് ബെസെന്റുമായും കൂടിക്കാഴ്ച നടത്തി. ട്രംപ് തീരുവ ചുമത്തിയ രാജ്യങ്ങളുമായി വ്യാപാര കരാറുകള്‍ക്കായി ശ്രമിക്കുന്ന സാഹചര്യത്തിലാണ് ഉച്ചകോടി നടക്കുന്നത്. ജൂണ്‍ 15 മുതല്‍ 17 വരെ കാനനാസ്‌കിസില്‍ നടക്കുന്ന ജി 7 ഉച്ചകോടിക്ക് മുന്നോടിയായാണ് ഈ ഒത്തുചേരല്‍
