സർക്കാർ വിരുദ്ധ കലാപം: ലിമയിൽ
അടിയന്തരാവസ്ഥ​

സർക്കാർ വിരുദ്ധ പ്രക്ഷോഭം കലാപമായി മാറിയതോടെ പെറുവിൽ അടിയന്തരാവസ്ഥ പ്രഖ്യാപിച്ച്‌ സർക്കാർ. പുതിയ പ്രസിഡന്റ് ഹോസെ ഹെരി രാജിവയ്ക്കണമെന്ന് ആവശ്യപ്പെട്ട് ജെൻ സി പ്രക്ഷോഭം പടരുന്നതിനിടെയാണ്‌ പ്രധാനമന്ത്രി ഏണസ്‌റ്റോ അൽവാരസ്‌ ലിമയിൽ അടിയന്തരാവസ്ഥ പ്രഖ്യാപിച്ചത്‌. ലിമയിൽ നടന്ന പ്രകടനത്തിനിടെ ഒരാള്‍ കൊല്ലപ്പെടുകയും നിരവധി പൊലീസ് ഉദ്യോഗസ്ഥർക്കും മാധ്യമപ്രവർത്തകർക്കും പരുക്കേൽക്കുകയും ചെയ്‌തിരുന്നു. ഒക്ടോബർ 10നാണ് നിലവിലെ പ്രസിഡന്റ്‌ ഹോസെ ഹെരി സത്യപ്രതിജ്ഞ ചെയ്‌തത്‌. പ്രസിഡന്റിന്റെ രാജി ആവശ്യപ്പെട്ട്‌ ആരംഭിച്ച പ്രതിഷേധം പലയിടത്തും അക്രമാസക്തമാവുകയായിരുന്നു.

ആൽബർട്ട അധ്യാപക പണിമുടക്ക്: വിദ്യാർത്ഥികൾക്ക് ഡിപ്ലോമ പരീക്ഷ ഓപ്ഷണൽ

പ്രവിശ്യയിൽ അധ്യാപക പണിമുടക്ക് തുടരുന്നതിനാൽ നവംബറിലെ ഡിപ്ലോമ പരീക്ഷകളിൽ പങ്കെടുക്കണോ വേണ്ടയോ എന്നത് വിദ്യാർത്ഥികൾക്ക് തിരഞ്ഞെടുക്കാമെന്ന് ആൽബർട്ട സർക്കാർ അറിയിച്ചു. നിലവിലുള്ള തൊഴിൽ തർക്കം അധ്യയന വർഷത്തെ സാരമായി ബാധിച്ചതിനാലാണ് ഈ തീരുമാനം. നവംബറിലെ പരീക്ഷകൾ എഴുതാൻ ആഗ്രഹിക്കുന്ന വിദ്യാർത്ഥികൾ അവരുടെ പ്രാദേശിക സ്കൂൾ ബോർഡിന് അഭ്യർത്ഥന സമർപ്പിക്കണം. പരീക്ഷകൾ നിശ്ചയിച്ച തീയതികളിൽ തന്നെ നടക്കും, എന്നാൽ പരീക്ഷ എഴുതാത്ത വിദ്യാർത്ഥികൾക്ക് പിഴ ഈടാക്കില്ലെന്ന് പ്രവിശ്യ സർക്കാർ പറയുന്നു. പരീക്ഷകളിൽ നിന്ന് വിട്ടുനിൽക്കുന്നത് ഒരു വിദ്യാർത്ഥിയുടെയും സർവകലാശാലയിലോ […]